ՆՈՐՈՒԹՅՈՒՆՆԵՐ » ԿԻՊՐԱԿԱՆ
Մարտ 13, 2013
Անաստասիատիս Պրիւքսել կը ժամանէ
Այսօր նախագահ Անաստասիատիս Պրիւքսել կը ժամանէ, մասնակցելու Եւրոպական Խորհուրդի նիստին, որուն առընթեր ան հանդիպումներ պիտի ունենայ նաեւ միութենական բարձրաստիճան պաշտօնատարներու հետ:
Նախագահ Անաստասիատիս հանդիպումներ պիտի ունենայ յատկապէս Եւրոպական Խորհուրդի նախագահ Հերման Վան Ռոմփիւյի, Եւրոպական Յանձնաժողովի նախագահ Խոզէ մանուէլ Պառոզոյի եւ Եւրոխորհրդարանի նախագահ Մարթին Շուլցի հետ: Ան առիթը պիտի ունենայ նաեւ մասնակ-ցելու Եւրոպական Ժողովրդային կուսակցութեան ղեկավարներու նիստին:
Հանրապետութեան նախագահին կ՛ընկերանան տնտեսութեան նախարար Միխալիս Սարրիս, կառավարական բանբեր Խրիստոս Ստիլիանիտիս եւ նախագահութեան ենթանախարար Կոսդանտինոս Պետրիտիս: